په جنوب ختیځ انګلستان کې د جومات د سپکاوی په اړه د پولیسو تحقیقات پيل شوي

 ایکنا - د انګلستان پولیسو په  شرقي ساسکس مسجد کې د اور لګېدا   د کرکې  او نفرت  په څير   د جرم په توګه څیړي.

  ایکنانیوز د  اسکای نیوز له قوله راپور راکوي، د انګلستان پولیسو په شرقي ساسکس کې په یوه مسجد کې له مشکوک  اور لګېدو وروسته تحقیقات پیل کړي دي.

پولیسو اعلان کړی چې  د شنبې  په شپه کابو ۹:۵۰ بجو، ژغورونکي ځواکونه   د اور لګېدو  ځای ته ورغوښتل شوي وو. خپاره شوي فلمونه د  جومات په وړاندې لوي  اور ښئي چې د اور وژونکو  لخوا خاموش شوی دی.

د انګلستان پولیسو اعلان کړی چې له دې پېښې سره به د کرکې  او نفرت د خوریدا  د جرم په توګه چلند وکړي. د پولیسو یو ویاند دا پېښه د « اړینو  تحقیقاتو» په توګه ګڼي او ویلي ئې دي چې د پېښې په ځای کې د پولیسو شتون زیات شوی او همدارنګه اضافي ګشتونه د ډاډګیرۍ لپاره جوړ شوي دي.

د انګلستان پولیسو څېړونکي، کری بوهانا، وویل: دا یو فوري تحقیق دی او مونږ له هر چا غواړو چې اړوند معلومات لري، هغه مونږ ته راپور  راکړي.

هغه دوام ورکړ: مونږ پوهېږو چې دې موضوع په ټولنې کې څومره  اندېښنې رامنځته کړې او په مسلمانې ټولنې کې څه اغېزې به ولري. په  اوسمهال کې د پېښې په ځای کې د پولیسو شتون زیات شوی او همدارنګه اضافي ګشتونه د ډاډګیرۍ لپاره په ټولودینی  ځایونو کې  شتون لری.

بوهانا زیاته کړه: پولیسو د کرکې او نفرت خورونکو  جرمونو په وړاندې د نه زغملو لاره غوره کړې ده او په ټولې ولسوالۍ کې د کرکې لپاره ځای نشته.

په شرقي ساسکس  کې په مسجد باندې  په حملې کې د جومات د یوې برخې په ړنګیدا سربیره یو ګاډی  هم  په دغه اور کې تاواني شوی دی.

د یادولو وړ ده چې د رسمي شمېرو له مخې د  غزې خلکو پر ضد  د اسرائیلو د جګړې له پیل څخه وروسته په ټول  انګلستان کې   اسلام ضده پېښې زیاتې شوې دي. په وروستیو میاشتو کې، د برتانیې په ځینو برخو کې د اسلام ضده  احساساتو په اړه اندېښنې زیاتې شوې او دینی  مشرانو خبرداری  ورکړی چې  په جوماتونو باندې حملې کولی شي اختلافات ژور کړي او د ټولنې باور کمزوری کړي.

https://iqna.ir/fa/news/4308819